Ngaahi Ma‘u‘anga Tokoní

Kumi ha fale‘i ki he founga ke malu‘i ai ‘a e vai melié mei hono faka‘ulikí, kau ai hono faka‘aonga‘i ‘o e me‘asivi vaí, ‘i he uepisaiti HealthEd.

Ako ki he founga ke malu‘i ai ho ‘apí mei he ngaahi vela ‘i tu‘á ‘i he uepisaiti ‘a e Fire and Emergency.

Ko e tu‘unga velangofua ‘o e vaó ‘okú ne uesia ‘a e lahi ‘o e velá. ‘Oku ‘i ai ‘a e kaunga lahi ‘a e me‘á ni ki hono mapule‘i ‘o e velá mo e faingamālie ko ia ke maumau mo faka‘auha ai ‘e he velá ‘a e ngaahi falé. ‘Ilo ki he ngaahi ‘akau ‘oku si‘isi‘i pe lahi ai ‘a e faingamālie ke velá ‘i he uepisaiti ‘a e Fire and Emergency New Zealand.

‘E ‘ikai lava ke tau talotalo atu ki ha ngaahi fakatamaki, ka te tau lava ‘o mateuteu ki ai. Ko e taha ‘o e ngaahi feitu‘u lelei taha ke kamata aí ko homou ‘apí. Kumi ki he me‘a te ke lava ‘o fai ke malu ange ai ho ‘apí mo e ‘uhinga ‘oku totonu ke ke vakai‘i ma‘u pē ai ‘a ho‘o malu‘í.

Ko ho‘omou fanga monumanú ko e fatongia ia ‘o kimoutolu. ‘Oku fiema‘u ke mou fakakau kinautolu ‘i ho‘omou palani mo e teuteu atu ki ha fakatamaki fakatu‘upakeé.

Fa‘u ha palani fakakomiunitī ki ha fakatamaki fakatu‘upakē. ‘E lava ke tokoni ha palani ‘a e komiunitií ki ha fakatamaki fakatu‘upakē ke mahino ki homou komiunitií ‘a e founga te mou lava ai ‘o fetokoni‘aki ‘i ha fakatamaki fakatu‘upakē.

‘Oku fakahoko atu ‘e he Web Content Accessibility Guidelines (WCAG) 2.1 ha ngaahi fokotu‘u lahi ki hono ma‘u faingofua atu ‘o e fakamatala ‘i ha uepisaiti. ‘Ilo lahi ange fekau‘aki mo e ngaahi fokotu‘u ‘oku oatu ‘i he uepisaiti W3C.

Mamata‘i ‘a e ngaahi vitiō ko ‘eni ‘i he New Zealand Sign Language fekau‘aki mo e ngaahi me‘a ‘oku ala fakatu‘utāmakí mo e ngaahi me‘a fakatu‘upakē ‘i Nu‘u Silá.

‘Oku fokotu‘utu‘u mo pule‘i ‘e he kau ngāue‘ofa meí he ngaahi komiunitī fakafeitu‘ú ‘a e ngaahi kautaha Community Patrols. ‘Oku faifatongia atu ‘a e ngaahi Kautaha Le‘o Fakakomiunitií ma‘á e ngaahi fiema‘u ‘a honau komiunitií pea ‘oku nau fengāue‘aki mo e Potungāue Polisi ‘a Nu‘u Silá mo e ngaahi kōsilio fakakoló.

Kau atu ki ha Community Patrol pe kamata‘i ha kautaha ‘i homou komiunitií.

‘Ilo fekau‘aki mo e New Zealand Response Teams mo e ngaah feitu‘u ‘oku nau tu‘u takatakai ai ‘i Nu‘u Silá.

Ko e Land Search and Rescue (LandSAR) ko ha kautaha ngāue‘ofa fakafonua ia. ‘Okú ne ‘oatu ha tokoni ki he kumí mo e fakahaofí ki ha kakai ‘oku mole, pulia mo lavea ‘i he kotoa ‘o Nu‘u Silá.

Ko e Coastguard New Zealand ‘okú ne fakahoko ‘a hono kumi mo e fakahaofi ‘o e kakaí ‘i tahi. ‘Oku nau fakahoko ha ngaahi polokalama ako mo ha ngaahi polokalama fakakomiunitī ki he malu mo e hao ‘i tahí.

Ko e Amateur Radio Emergency Communications (AREC) ko ha kulupu ia ‘o ha kau ngāue‘ofa ‘oku nau ngāue‘aki ha ngaahi taukei ki he fetu‘utakí mo fakatekinikale ke poupou ki he kumí mo e fakahaofí ‘i Nu‘u Silá.

‘Oku fakahoko ‘e he Surf Life Saving New Zealand ha ngaahi sēvesi ki he tauhi ‘o e malu ‘a e kakaí ‘i ha fukahi vai mo ha ngaahi fakahaofi mo‘ui lolotonga ‘o ha fakatamaki fakatu‘upakē. ‘Oku nau toe fakahoko foki mo ha ngaahi polokalama ki he malu ‘i matātahí ma‘á e kakai ‘o e fonuá.

Ngāue‘ofa ‘i he Fire and Emergency New Zealand. ‘Oku fatongia‘aki ‘e he Fire and Emergency New Zealand ‘a e faka‘ehi‘ehi, ngāue atu, mo hono tāmate‘i ‘o ha afi.

Kumi ha ngaahi fakakaukau tokoni ke ke matu‘uaki ai hili ha fakatamaki fakafonua, ke tokoni ki ho‘o mo‘ui lelei fakae‘atamaí.

Na‘e fokotu‘u ‘a e All Sorts ‘e he kautaha Mental Health Foundation ke tokoni ki he kakaí ke fakafokifoki mai ‘a e mafai mo e ivi mapule‘i na‘e ngalingali ne mole atu ‘i he to‘umahaki fakamāmani-lahí mo e ngaahi fakatamaki fakaenatulá.

Kumi ha ngaahi fakakaukau tokoni ’a ha faama-ki-ha-faama, ‘o poupou mo ma‘u ki ai ha ngaahi fakamatala fakasaienisi ki he tu‘unga lelei ‘a e mo‘uí.

‘Oku fakataumu‘a atu ‘a e Farmstrong ma‘á e kau faamá, kau ngoué mo honau ngaahi fāmilí ke nau matu‘uaki ai ‘a e ngaahi fetō‘aki ‘i he ngāue fakafaamá ‘aki ‘a ‘enau fevahevahe‘aki ha ngaahi me‘a te nau lava ‘o fakahoko ke tokangaekina ai kinautolu pea mo e kakai ‘i he‘enau pisinisí.

‘Oku mahu‘inga ke ‘ilo ki he ngaahi founga kehekehe ke ke kei ma‘u atu ai ‘a e ngaahi fakamatalá lolotonga ‘o ha fakatamaki fakatu‘upakē.