Fanga kulī tokoni ki ha kau faingata‘a‘ia fakaesino
Ko e Fanga Kulī Tokoni ki ha Kau Faingata‘a‘ia Fakaesinó (Disability Assist Dogs) ko e fatongia ia ‘o ‘ou. ‘Oku fiema‘u ke mou fakakau kinautolu ‘i ho‘omou palani mo e teuteu atu ki ha fakatamaki fakatu‘upakeé.
Kapau ‘oku ‘i ai ha‘o kulī tokoni ki he faingata‘a‘ia fakaesinó, hangē ko ha kulī fakahinohino, ma‘u atu ha tohi fakamo‘oni ki ai meí ha kautaha kuo ‘osi fakamafai‘i.
‘Oku ‘oatu ‘e he kautaha takitaha ha kote ke fakatui ‘i he kulií ‘o ‘asi ai mo e hingoa ‘o e kautahá. Fakataha mo ha founga ke ‘ilo‘i ai ‘a e tokotaha tauhi kulií. ‘E toe tokoni foki eni ke fakavave‘i ha‘a mo toe fakataha kapau ‘okú ke fepulingaki mo ho‘o kulií.
Palani atu ki ho‘o kulií. ‘Ai ha kato to‘oto‘o kuo tokateu ma‘a ho‘o kulií ‘o fa‘o ai ha me‘atokoni, ngaahi faito‘o, ngaahi lēkooti huhu malu‘i, ID mo hano ngaahi leta takitaki ha‘i ma‘u (harnesses).
Fakapapau‘i ‘oku ‘ilo‘i ‘e ho‘o kulií ‘a e kakai ‘i ho‘o kupu fetokoni‘akí. ‘E faingofua ange ai heni ki ho‘o kulií ke ne tali ‘a e tokanga meí ha taha kehe meiate koe.
Kumi ‘a e fakamatala fekau‘aki mo e fanga kulī tokoni ki he faingata‘a‘ia fakaesinó ‘i he uepisaiti ‘a e Department of Internal Affairs website.
Fale‘i ma‘á e kakai faingata‘a‘ia fakaesinó
Kapau ‘oku ‘i ai hao faingata‘a‘ia fakaesino pe ko ha fa‘ahinga fiema‘u te ke ala tu‘u ai ‘i ha tu‘unga fakatu‘utāmaki lahi ange ‘i ha hoko mai ‘a ha fakatamaki fakatu‘upakē, kumi ha fale‘i ke ke mateuteu ai.
