Ko ha pau ke fetukutuku

‘I ha taimi fakatu‘upakē, ‘e ‘i ai ha ngaahi ‘api, hala mo ha ngaahi kaungā‘api ‘e ala ‘ikai malu ke kei fai ha nofo atu ai pea ‘e ala fiema‘u ke mou mavahe fakavavevave mei ‘api.

Kapau ‘e fetukutuku homou halá, te mou ō ki fē? Ko e hā ‘a e me‘a te mou ō mo ia? ‘E fēfē ‘a e fanga monumanu tokoní mo e monumanu lalata? ‘Oku ‘i ai ha mou ngaahi kaungā‘api te nau ala fiema‘u ‘a ho‘o tokoni? Ko e hā hono mama‘o, lōloa mo e vave te ke lava ‘o fononga aí ‘o ‘ikai fiema‘u ki ai ha tokoni ‘a ha tokotaha kehe?

Fa‘o ha kato to‘oto‘o kuo tokateu ki he fetukutukú

Teuteu ha kato ke maau ma‘á e tokotaha kotoa pē ‘i ho fāmilí. ‘Oku totonu ke ‘i ai ha vala māfana, hina vai, fanga ki‘i me‘akai ma‘ama‘a, tatau ‘o e ngaahi me‘a fakapepa mahu‘ingá, mo ha ID ‘oku ‘asi ai ha lau‘itā. Manatu‘i ha fa‘ahinga faito‘o te mou ala fiema‘u. Tauhi ho‘omou nāunau ki he fuofua tokoní, kasa, letiō mo e maka kasa, ngaahi me‘angāue ki he fenga‘unuaki takai holó (mobility devices) mo ha ngaahi nāunau kehe ‘oku fu‘u fiema‘u, ‘i ha feitu‘u te mou lava ‘o to‘o fakavavevave mei ai kinautolu.

Fakakaukau‘i ‘a e ngaahi nāunau ‘okú ke fiema‘ú

Fakakaukau‘i ‘a e feitu‘u te mou ō ki aí

Fakakaukau‘i ‘a e feitu‘u te mou ō ki aí (pea fakapapau‘i ‘oku ‘ilo‘i ia ‘e he tokotaha kotoa pē ‘i homou ‘apí, telia na‘a ‘ikai ke mou ‘i ai fakataha kotoa). Ko e feitu‘u te mou fetukutuku ki aí ‘e ngali nai ko hamou kaungāme‘a pe fāmili ia, ko ia ai, fakapapau‘i ‘oku nau ‘ilo ki ho‘omou ngaahi palaní.

Vakai‘i ‘a homo‘u feitu‘ú

Kapau ‘oku mou nofo ‘i ha feitu‘u ‘oku fiema‘u ke fetukutuku ‘i ha peaukula, fakapapau‘i ‘oku ‘i tu‘a mei ai ‘a e feitu‘u ‘oku mou fetukutuku atu ki aí.

‘Ilo ki homou feitu‘u ke mou fetukutuku mei aí ‘i ha peaukula.

Fakakaukau‘i ‘a e founga ‘o ha‘o fetukutuku

Luelue, lele pe heka pasikala kapau te ke lava. Tautautefito kapau ‘oku ‘i ai ha peau kula. ‘E lava ke hoko ‘a e faka‘ulí ke femo‘uekina ai ‘a e halá pea fakatuai ki he ngaahi sēvesi tokoni fakavavevavé mo e kakai ‘oku fiema‘u ke nau faka‘ulí meí ha ‘anau a‘u ki ha feitu‘u malu. Fakakaukau pe ko e hā ‘a e founga fetukutuku ‘oku lelei taha kiate koé.

Akoako mo vahevahe atu ho‘o palani fetukutukú

‘Oku mahu‘inga ke ke fa‘u ‘a e palani fetukutuku lelei taha te ke lavá. ‘Oku lelei ange ke ‘i ai ha palani ‘oku ‘ikai kakato ‘i ha hala ‘aupito ha palaní. Kapau te ke ngali fiema‘u ha tokoni ki he fetukutukú, hiki tohi ha ngaahi fakahinohino ‘e ala fiema‘u ke ‘ilo ‘e he ngaahi sēvesi tokoni fakavavevavé kapau ‘oku nau fetukutuku koe.

Akoako ‘a e fetukutukú koe‘uhí ke ke lava ‘o ‘ilo‘i ai ‘a e me‘a ‘oku malavá pe ‘ikai malavá. Fakahā atu ke ‘ilo ‘e he kakaí ‘a ho‘o palani fetukutukú. Tautautefito kapau ‘okú ke fakafalala kiate kinautolu.

‘Oua na‘a ngalo ho‘o fanga monumanú

Kapau ‘e fiema‘u ke ke mavahe mei ‘api, ‘ave mo ho‘o fanga monumanu tokoní mo e fanga monumanu lalatá. Kapau ‘oku ‘ikai malu kiate kimoutolu, ‘oku ‘ikai malu ia kiate kinautolu. Fakapapau‘i ‘e tali ‘e he feitu‘u ‘oku mou fetukutuku atu ki aí ho‘omou fanga monumanu lalatá. Pe ma‘u ‘a e ngaahi fakaikiiki ki he fetu‘utaki ki he ngaahi fale ta‘uhi‘anga kulií, pusí pea mo ha ngaahi mōtele ‘oku nau tali ‘a e fanga monumanu lalatá.